CÎHAN

Nûçeyên Dawî

• Fuat Hisên lihevkirina Tirkiye-Iraq a ketina xaka Iraqê eşkere kir 

  Wezîrê Karê Derve yê Iraqê ragihand ku li gorî lihevkirina Iraq û Tirkiyeyê, Tirkiye tenê dikare 5 kêlometre bikeve nav xaka Iraqê, lê divê piştî wê 72 saetan carek din ji Iraqê derbikeve.
• Li gorî Awûstralyayê, Çîn ji bo peymanên navneteweyî 'bertîl'ê dide! 

  Wezîrê Parastinê yê Awûstralyayê Peter Dutton Çîn bi 'nelirêtiyê' sûcdar kir ku di peymanên navneteweyî de bi taybetî jî li Afrîkayê bertîlê dide.
• Li Nîjeryayê ji ber teqîna li parzûngehekê zêdeyî 100 kes mirin 

  Li eyaleta Rîversê ya li başûrê Nîjeryayê ji ber teqîna li parzûngeheke petrolê ya qaçax, zêdeyî 100 kesî jiyana xwe ji dest dan.
• Tûra duyemîn a hilbijartinên Serokkomariya Fransayê destpê kir 

  Li Fransayê, di tûra duyemîn a hilbijartinên serokkomariya Fransayê de Emmanûel Macron û Marîne Le Pen a rastgiriya tund li ber xwe didin. Helwesta hilbijêrên ku meyla wan li ser boykotê ye, wê encamê diyar bike.
• Li peravên Lubnanê keştiyek noqî binê avê bû 

  Li peravên Lubnanê, keştiyek ku 60 kes tê de bûn, noqî binê avê bû. Di encamê de herî kêm zarokekî jiyana xwe ji dest da, derdora 40 kes hatin rizgarkirin.
• Rejîma Sûriyeyê: Îdiayên Tirkiyeyê ne rast in 

  Wezareta Karên Derve ya rejîma Sûriyê îdiayên dewleta Tirk a dagirker ya gotibû ku di navbera wan û rejîma Sûriyê de peywendiyên hevbeş hene red kir û got, “Em bi Tirkiyeyê ya ku piştgiriyê dide komên terorîstî re hevkariyê nakin.”
• Hikumeta Iraqê wê li dadgeha navnetewî giliyê Tirkiyê bike 

  Hikumeta Navendî ya Iraqê wê di asta navnetewî de li dijî Tirkiyê giliyê tomar bike û daxwaza bi dehan milyar dolar tezmînatê bike.
• PCF: Êrîşên dewleta Tirk nikarin Kurdan bitirsînin 

  Partiya Komunîst a Fransayê diyar kir ku êrîşên dagirkeriyê yên dewleta Tirk nikarin Kurdan bitirsînin.
• Çalakvanên Iraqî êrişên dagirkeriyê yên Tirkiyê şermezar kirin 

  Nûnerên Komîteya Navendî ya Organîzekirina Xwepêşandanên Iraqê, li Bexdayê êrişên dagirkeriyê yên dewleta Tirk şermezar kirin û hişyarînameyek radestê rayedarên Tirkiyê yên li navenda pêdana vîzeya Tirkiyê ku weke sefaretxane dixebite kirin.
• Li mizgefteke Şîeyan a Efganistanê teqînek pêk hat, herî kêm 10 kes mirin 

  Li bajarê Mazar-e-Şerîf ê bakurê Efganistanê di encama teqîna li mizgefteke Şîeyan de herî kêm 10 kes mirin.
• Pûtîn ragihand ku Marîûpol bi dest xistine 

  Serokdewletê Rûsyayê Vladîmîr Pûtîn ragihand ku wan bajarê bendergehê yê stratejîk Marîûpol bi dest xistine.
• Li Fîlîpînê 224 kesan ji ber bahozê jiyana xwe ji dest dan 

  Bahoza Megiyê ya tropîkal li Fîlîpînê dabû. Di vê bahozê de hejmara kesên jiyana xwe ji dest dan, bû 224.
• Wezareta Derve ya Iraqê dubare hişyarî da Tirkiyê ku hêzên xwe ji Iraqê vekişîne 

  Berdevkê Wezareta Karûbarên Derve ya Iraqê Ehmed Sehaf ragihand ku wan daxuyaniya Erdogan ya “Em bi hevkariya hikumeta Iraqê vê tevgerê didin meşandin” derewand û careke din hişyarî da Tirkiyê ku hêzên xwe ji Iraqê vekişîne.
• Çîn peymanên qedexekirina xebitandina bi zorê îmze kir 

  Meclisa Çînê peymanên navneteweyî yên qedexekirina xebitandina bi darê zorê erê kir.
• Parlamenta Fînlandiyayê nîqaşê li ser endametiya NATO'yê dike 

  Parlamenta Fînlandiyayê ji bo "Parastineke baş a li hemberî êrişeke gengaz a Rûsyayê" nîqaşê li ser endametiya NATO'yê dike. Tê payin ku bibe endam.
• Li Srî Lankayê krîza dîrokî: Derketina derve hate qedexekirin 

  Li Srî Lankayê krîza ekonomîk kûrtir dibe û ji ber ku protestoyên li hemberî hikumetê zêde dibe, li welat derketina derve hate qedexekirin.
• Ji Kîevê re balafirên şer hate dayin 

  Pentagonê ragihand ku Ûkraynayê ji bo hêzên xwe yên hewayî xurt bike balafirên şer û parçeyên balafiran standiye. Li ser hejmara balafiran û welatên ku jê kirî ne, agahî nehate dayin.
• Komkara Erebî li dijî dagirkeriya Tirkiyê bertek nîşan da 

  Serokê Komkara Erebî Ehmd Ebûl Xît êrişên dagirkeriyê yên dewleta Tirk a li ser xaka Iraqê şermezar kir û êriş weke binpêkirina serweriya Iraqê û navdewletî pênase kir.
• Iraqê hişyarî da Tirkiyê: Hêzên xwe ji Iraqê vekişîne 

  Wezareta Karûbarên Derwe ya Iraqê bertek nîşanî êrişên dagirkeriyê yên dewleta Tirk da û ragihand ku divê Tirkiye bi fermî hêzên xwe ji xaka Iraqê vekişîne û hurmetê nîşanî serweriya Iraqê bide.
• Li dibistana zarokên mêr a li Kabûlê sê teqîn 

  Li paytexta Efganistan Kabûlê, li taxeke ku şêniyên wê bi giranî Hazara yên Şîa ne, li dibistaneke zarokên mêr li pey hev sê teqîn çêbûn.
• Li gorî Îranê DYE peymana nukleerî dereng dixîne 

  Wezareta Karên Derve ya Îranê diyar kir ku ew ji peymana nukleerî dûr ketine û bertek nîşan da ku ji derengmayînê Emerîka berpirsyar e.
• Li Efrîkaya Başûr 10 hezar leşker ji bo karesata lehiyê hatin wezîfedarkirin 

  Li Efrîkaya Başûr, hejmara mirovên ku ji ber lehiyê jiyana xwe ji dest dan gihîşt 443 kesî. Bi deh hezaran mirov bêmal man û xisareke giran li binesaziyê bû. Hikumetê 10 hezar leşker ji bo karên lêgerîn û rizgarkirinê seferber kir.
• Li Swêdê provokasyonên rastgiriya tund: 26 kes hatin destgîrkirin 

  Li Swêdê, rastgirên tund ên ji bo şewitandina Quranê daketin kolanan û polîsan şer kirin. Di encamê de 26 kes hatin destgîrkirin.
• Di êrişên Pakistanê de li Efganistanê 50 kes mirin 

  Di êrişên artêşa Pakistanê de yên li ser rojhilatê Efganistanê derdora 50 kesî jiyana xwe ji dest dan.
• Rûsya: Me balafira ku çek dibir Ukraynayê xist xwarê 

  Wezareta Parastinê ya Rûsyayê ragihand ku wan balafireke ku ji welatên rojavayî barê çekan dibir Ukraynayê xistine xwarê.